Sexí svuntur

Það er fátt leiðinlegra en að sitja uppi með rauðan sósublett í hvítri skyrtu eftir átök í eldhúsinu. Því er gott að venja sig á að nota svuntu við eldamennsku og eldhúsbras. Ekki skemmir fyrir ef svunturnar eru fallegar. Við tókum hér saman nokkrar svuntur sem eiga það allar sameiginlegt að vera ákaflega fallegar. Sumar eru meira að segja svo fínar að þær eru eins og glæsilegustu kjólar, nema það vantar auðvitað bakhlutann. En kannski er hægt að vinna eitthvað með það, ef þannig liggur á mannskapnum.