Geggjað eða algjörlega galið?

Kaffihús nokkuð í London hefur vakið mikla eftirtekt frá opnun fyrir ást sína á öllu tengud áttunda áratug síðustu aldar og morgunkorni. Svo mikið reyndar að staður heitir The Cereal Killer Cafe sem er skemmtilegur orðaleikur sem flestir ættu að átta sig á. 

Á staðnum er hægt að fá allar tegundir morgunkorns sem þig dreymir um auk annarra rétta en á dögunum tilkynnti staðurinn svo að hér eftir myndu þeir hætta að bera vegan morgunkorn fram í skálum og myndu þess í stað nota avókadó skeljar. Segja þeir að þetta spari vatn en margir hafa þó verið fljótir til að benda á að vatnssparnaðurinn er enginn. 

En það er ekki annað hægt en að hrífast af staðnum og fyrir þá sem elska morgunkorn er þetta sannkölluð paradís.