Matur | Morgunblaðið | 5.7.2018 | 17:02

Volg frönsk súkkulaðikaka

Sjóðheit súkkulaðikaka að hætti Braggans. mbl/Arnþór Birkisson

Það er alltaf góð hugmynd að fá sér köku... ekki síst ef téð kaka er frönsk og borin fram volg. Hér gefur að líta útgáfu Bragans bar & bistró sem opnaði í Nauthólsvík á dögunum.

Frétt af mbl.is

Svona lítur Bragginn Bístró út

Volg frönsk súkkulaðikaka

Þessi kaka er borin fram með hindberjasósu.

2 bollar hveiti
2 bollar sykur
2/3 bollar kakó
1 tsk. lyftiduft
1 tsk. matarsódi
1 tsk. gróft salt
1½ bolli mjólk
½ bolli grænmetisolía
2 stór egg
2 msk. vanilluextrakt

Toppur

1½ tsk. óbragðbætt gelatín
2 msk. kalt vatn
1 bolli sykur
¾ bollar kornsíróp
3 stórar eggjahvítur
½ vanillustöng, skorin í tvennt og fræin skröpuð úr

Aðferð:

Hitið ofninn í 160°C. Smyrjið tvö kassalaga form sem eru 20x20 cm. Setjið bökunarpappír í botninn, smyrjið hann og stráið hveiti inn í. Hristið afganginn af hveitinu úr.
Hrærið saman hveiti, sykur, kakó, lyftiduft, matarsóda og salt í stórri skál.
Hrærið saman í annarri skál mjólk, egg og vanillu. Bætið blautu efnunum við þurrefnin og hrærið þar til það rétt blandast saman.
Setjið í formin og bakið í um 40 mínútur. Kælið í formunum á grind í smátíma og takið síðan úr formunum til að kakan kólni alveg.
Setið gelatínið í kalt vatn og látið standa þar til það mýkist, eða í um fimm mínútur.
Blandið saman ½ bolla af sykri og kornsírópi í potti og hrærið yfir meðalhita þar til sykurinn leysist upp. Hitið án þess að hræra þar til blandan nær 120°C eða í um tíu mínútur. Takið af hitanum og blandið gelatíninu við.
Á meðan þetta er að hitna stífþeytið þá saman eggjahvítur, vanillu og sykur. Bætið sykrinum út í smám saman og þeytið þar til hvíturnar verða stífar og glansandi, eða í um fimm mínútur.
Hellið heitri kornsírópsblöndunni út í eggjahvíturnar og hrærið stöðugt á meðan, þar til blandan er orðin þykk, eða í um átta mínútur.

Kveikið á grillinu í ofninum. Dreifið blöndunni ofan á kökurnar. Látið standa í um mínútu. Grillið síðan kökurnar undir grillinu í ofninum þar til þær brúnast, eða í um fimm mínútur. Snúið eftir þörfum svo kökurnar grillist jafnt. Berið fram heitt.