Matur | AFP | 13.7.2018 | 11:26

Ómótstæðilegur ofur-kjúlli

Sérlega djúsí kjúklingur. mbl.is/Delish

Sumir réttir eru þess eðlis að þeir eru í senn ómótstæðilegir og afar auðveldir. Svo er aldrei verra ef þeir henta vel í ringningu en engu að síður er þetta kjúklingur sem passar við hvaða tilefni sem er og í hvaða veðri sem er.

Bragðsamsetningin er afar spennandi en hér gefur að líta bæði balsamik edik og púðursykur sem gerir hann dökkan og afar djúsí tilsýndar.

Ómótstæðilegur ofur-kjúlli

60 ml balsamik edik
3 msk extra virgin ólífu olía
2 msk púðursykur
3 hvítlauksgeirar, maukaðir
1 tsk þurrkað timjan
1 tsk þurrkað rósmarín
4 kjúklingabringur
Sjávarsalt
Ferskur svartur pipar
Fersk steinselja, söxuð

Aðferð:

Pískið saman balsamik edik, ólívu olíu, púðursykri, hvítlauk og þurrkuðu kryddjurtunum og kryddið vel með salti og pipar. Takið ¼ bolla til hliðar (60 ml)
Setjið kjúklinginn út í skálina og blandið vel saman við marineringuna. Látið liggja í 20 mínútur hið minnsta.
Hitið grillið eða pönnuna og grillið/steikið. Penslið með afgangs marineringunni og eldið í að minnsta kosti 6 mínútur á hvorri hlið.
Skreytið með steinselju áður en borið fram.

Uppskrift: Delish