Matur | Hraðréttir | mbl | 26.7.2018 | 17:01 | Uppfært 18:00

BBQ-pítsa sem slær í gegn

Hér er pítsa sem þú sérð ekki á hverjum degi en ættir svo sannarlega að prófa því hún mun mögulega breyta því hvernig þú lítur á pítsur. Og til að toppa herlegheitin er hér myndband sem sýnir nákvæmlega hvernig á að fara að.

BBQ-pítsa

Tilbúinn pítsabotn
Sósa: ¾ dl pizzasósa + ¼ dl BBQ-sósa

1 hægelduð sous vide-kjúklingabringa frá Ali
½ rauðlaukur
Maísbaunir
Rifinn cheddar ostur
Rifinn pizzaostur
Kóríander

Aðferð:

Fletjið pizzadegið út.
Hrærið saman pizzasósu og BBQ-sósu og smyrjið yfir pizzabotninn.
Stráið rifnum cheddar og rifnum pizzaosti yfir.
Skerið kjúklingabringu í bita og raðið yfir ostinn.
Stráið rauðlauki og maísbaunum yfir kjúklinginn.
Bakið við 220° í 5-8 mínútur, eða þar til osturinn er bráðinn og kominn fallegur litur á pizzuna.
Stráið ferskum kóríander yfir og berið strax fram.