Það má svo auðveldlega kalla á „WOW-faktorinn“ með fallega skreyttum klökum sem allir geta gert. Vatnskannan eða kokteillinn í partíinu fær nýtt yfirbragð sem allir vilja prófa. Alls kyns ber og blóm í öllum regnbogans litum, nú eða grænmeti, geta prýtt klakana. Muna bara að skola allt vel áður en það er sett út í vatnið og í frysti. Þetta snýst bara um hugmyndaflug og þarf alls ekki að vera flókið.