Pönnusteiktur silungur með möndluflögum

mbl.is/Albert Eiríksson

Það er fátt betra en nýveiddur pönnusteiktur silungur og hér gefur að líta aðferð sem er ákaflega einföld en einstaklega bragðgóð. 

Það er meistari Albert Eiríksson sem á heiðurinn að þessari uppskrift en hann segir það hluta af sumarvinnu sinni að vitja um silunganet og fyrir vikið matreiði hann nýveiddan silung daglega fyrir hótelgesti. Hann sé á því að þessi aðferð sé best en stundum setji hann nokkrar rúsínur á pönnuna áður en hann ber herlegheitin fram. 

Matarblogg Alberts má nálgast HÉR.

Pönnusteiktur silungur með möndluflögum

  • silungur
  • góð olía
  • salt og pipar
  • möndluflögur
  • dill og lime til skrauts

Flakið silunginn og skerið í bita. Hitið olíuna á pönnu og steikið silunginn á roðhliðinni þangað til hann er gegnumsteiktur. Ekki snúa honum við. Þið sjáið á fiskinum hvnær hann er gegnumsteiktur.

Þurrristið möndluflögur á pönnu og stráið yfir silunginn þegar hann er tilbúinn. Skreytið með dilli og lime.

Nýveiddur silungur.
Nýveiddur silungur. mbl.is/Albert Eiríksson
mbl.is