Greinilegt er að menn hafa sterkar skoðanir á veitingastöðum landsins en nú er í gangi ansi áhugaverð umræða þar sem skipst er á skoðunum um veitingastaði og hvern beri að krýna „versta veitingastaðinn“.
Sitt sýnist hverjum og skiptast menn jafnframt á sögum. Þar er meðal annars sagt frá nöglinni sem var í pítsunni (reyndar fylgir mynd með) og rándýra humarpastanu sem reyndist innihalda litlar rækjur svo eitthvað sé nefnt.
Eitthvað er um að fyrrverandi starfsmenn láti fyrrverandi vinnustaði fá það óþvegið og í alla staði er spjallþráðurinn hinn áhugaverðasti.
DV hefur skrifað frétt um þráðinn en athugasemdirnar við fréttina eru líka afskaplega skemmtilegar en þar ganga ásakanir um frændhygli og annað manna á milli.
Hver versti veitingstaður landsins er skal ósagt látið en ljóst er að ansi margir hafa sterka skoðun á málinu.
Spjallþráðinn á Matartips! er hægt að nálgast HÉR.
Frétt DV um málið er hægt að nálgast HÉR.