Omnom-súkkulaði sópaði að sér verðlaunum á Evrópumóti í súkkulaðigerð í gær. Omnom hlaut 11 verðlaun, þar á meðal 5 gullverðlaun.
Gullverðlaunahafar Evrópumótsins fá þátttökurétt á alþjóðlegu súkkulaðihátíðinni sem fer fram seinna á árinu. Alþjóðlegu súkkulaðiverðlaunin eru mestu heiðursverðlaun sem súkkulaði getur hlotið.
Um þrjátíu manna dómnefnd heiðraði nýjustu afurð Omnom með gulli, en Black n´ Burnt Barley kom út í maí á þessu ári. Einnig vann eitt vinsælasta súkkulaði Omnom, Lakkrís + Salt, til gullverðlauna sem og Milk of Madagascar. Öll þessi súkkulaði munu keppa til verðlauna seinna á árinu.
„Þetta er svolítið eins og að vinna EM í súkkulaði,“ segir Kjartan Gíslason súkkulaðigerðarmaður. „Við erum ótrúlega hamingjusöm og hrærð yfir þessum mikla heiðri. Svona verðlaun eru mikil viðurkenning fyrir ungt og íslenskt fyrirtæki.“
Listi yfir verðlaun:
Mikrólögun – Hreint/ Unnið úr upprunabaun - mjólkursúkkulaði
Bragðbætt hvítt súkkulaði
Viðbætt hvítt súkkulaði (t.d. hnetur, súkkulaði, karamella)
Míkrólögun – Hreint/upprunabaun mjólkursúkkulaði
Míkrólögun – Hreint/upprunaland dökkt súkkulaði
Hreint/upprunaland dökkt mjólkursúkkulaði (Sem inniheldur 50% kakó eða meira)
Viðbætt mjólkursúkkulaði (t.d hnetur, súkkulaði, karamella)