Matur | mbl | 31.8.2018 | 15:47

Ljúffengar lambakótilettur með geggjuðu salati

Lambakótilettur með möndlusalati og agúrkudressingu. mbl.is/iForm

Íslenskt lambakjöt er oftast í topp tíu þegar fólk er spurt um uppáhaldsmatinn. Lambakjötið er einnig þannig að það má matreiða það á ótal vegu og alltaf jafnljúffengt. Hér er ein stórgóð uppskrift að lambakótilettum með möndlusalati og búlgum – toppað með tzatziki.

Ljúffengar lambakótilettur með möndlusalati (fyrir 2)

80 g búlgur
30 g möndluflögur
1 feitur hvítlaukur
1 dl mynta
1 dl steinselja
4 stórir tómatar
300 g spínat
1 sítróna
Salt og pipar
2 tsk. ólífuolía
220 g lambakótilettur
4 msk. þykk jógúrt eða sýrður rjómi
½ agúrka
1 feitur hvítlaukur (fyrir dressinguna)

Aðferð:

Sjóðið búlgur í 2 mínútur og látið þær standa í 8 mínútur. Hellið vatni frá ef eitthvað er eftir og blandið möndluflögum út í ásamt hökkuðum hvítlauk, myntu, steinselju, grófhökkuðum tómötum og spínati. Pressið sítrónusafa yfir og smakkið til með salti og pipar.
Penslið kótiletturnar með olíu og saltið og piprið. Steikið í 3 mínútur á hvorri hlið.
Agúrkudressing: Hrærið jógúrt/sýrðum rjóma saman við niðurskorna gúrku og pressið hvítlauk út í.
Berið kjötið fram með möndlusalati og agúrkudressingu (tzatziki).