Þessa Twix-fingur er afar einfalt að gera og þeir smakkast dásamlega vel. Ekki skemmir fyrir að þeir gefa mikla orku og eru bráðhollir líka.
Bráðhollir Twix-fingur
Kexbotn
- 2 bollar/170 g möndlumjöl
- 1/2 bolli/70 g brasilíuhnetur
- 1/2 bolli /40 g pekanhnetur
- 3 msk agavesíróp
- 3 msk kókósolía
- 1 msk tahini
- klípa af grófu salti
Aðferð
- Setjið hnetur í blandara og malið smátt.
- Bætið við afganginum af hráefnunum í botninn og malið saman í blandaranum þar til frekar klístrað og þétt (ekki samt massi).
- Setjið í eldfast mót með smjörpappa ofan í sem nær upp á hliðarnar líka (til að geta kippt þeim upp úr).
- Setjið í frysti meðan karamella er búin til.
Karamella
- 2 bollar/340 g mjúkar döðlur (helst Medjool)
- 2 msk kókósolía
- 1 bolli möndlumjólk
- 1 tsk vanilluduft
- 1-2 tsk gróft salt
Aðferð
- Setjið allt saman í blandara og byrjið á að setja fyrst bara 1 tsk af salti.
- Blandið í mínútu eða þar til orðin er til brún og þykk karamella. Smakkið til og bætið við salti ef þið viljið hafa hana salta.
- Blandið aftur og ef hún er of þykk bætið þá við ögn af vatni.
- Takið nú botninn úr frysti og smyrjið karamellunni ofan á.
- Sett aftur í frysti í um 3 klst.
Súkkulaði ofan á
- 1 bolli dökkt bökunarkakó
- 1 bolli kókósolía
- ½ bolli agavesíróp eða hlynsíróp
Aðferð
- Bræðið kókósolíu í vatnsbaði.
- Blandið næst öllu saman og hrærið í skál með gaffli þar til silkimjúkt og kekkjalaust.
- Takið botn og karamellu úr frysti og skerið í litla fingur eða stykki.
- Hellið súkkulaðinu yfir og það mun harðna strax.
- Geymið stykkin alltaf í frysti en gott er að taka þau út eins og 10 mínútum áður en þau eru borðuð.