Hver kannast ekki við þá kvöl og pínu sem fylgir því að útbúa nesti fyrir börnin? Sérstaklega þau matvöndu. Sjálf hef ég reynt allt þegar kemur að dóttur minni. Hún vill helst taka með sér pakkningar sem innihalda einn ávaxtaskammt á dag að sögn framleiðenda en ég er meira á því að hún borði alvöru mat. Vandamálið er að hún borðar ekki hvað sem er. Gróft brauð og grænmeti á til dæmis ekki upp á pallborðið hjá ungfrúnni en þó fæst hún til að borða gúrku og í þarsíðustu viku borðaði hún spínatblað og uppskar klapp frá stoltum foreldrunum.
Ég hef reynt allt og nú síðast fór ég og keypti það alfallegasta nestisbox sem ég hef lengi séð í þeirri veiku von að ég gæti sjarmerað hana til að borða blessað nestið ef ég hefði það nógu fjölbreytt og flippað. Í morgun fór hún því í skólann með eftirfarandi nesti í niðurhólfaða nestisboxinu sínu:
Varanestishugmyndir eru langt á veg komnar því það þarf víst að bjóða upp á fjölbreytni.
...lengra er ég ekki komin með listann góða en bíð spennt eftir því hvernig gekk í dag og vona að það gangi enn betur á morgun.
Samkvæmt leiðbeiningum frá MAST (Matvælastofnum) er að mörgu að huga þegar nesti er útbúið og má þar nefna:
Börn þurfa hollan og fjölbreyttan mat til að fá orku, vítamín og steinefni sem líkaminn þarfnast fyrir vöxt og góða heilsu. Með fjölbreyttu mataræði er átt við að æskilegt sé að borða eða drekka daglega:
Hvert er markmiðið?
Á nestið að duga allan daginn eða bara um morguninn eða eftir hádegi? Misjafnt er hvað skólarnir bjóða upp á og skal hugsa nestið út frá því. Hollusta skal líka höfð í fyrirrúmi og sykur ætti að vera á algjörum bannlista (reyndar er hann það á flestum stöðum).
Reynið að hafa nesti fjölbreytt ef það á að duga allan daginn þannig að það innihaldi bæði kolvetni, prótein, grænmeti og ávexti. Hvað svo sem þið veljið skiptir ekki öllu en fjölbreytnin skyldi vera í fyrirrúmi. Millimál eru nauðsynleg því ekki ættu að líða meira en 3 til 3,5 klukkustundir milli máltíða hjá börnum.
Eins er mikilvægt að barnið sé með góðan vatnsbrúsa meðferðis. Barnið þarf að hafa aðgang að vökva allan daginn.
Ber eru vinsælt millimál, sem og þurrkaðir ávextir, hnetur, möndlur og rúsínur. Ostur er líka vinsæll í nestisbox og snjallt er að skera niður ostbita og hafa í nestisboxinu. Soðin egg eru líka nokkuð snjöll, kirsuberjatómatar og niðurskorið grænmeti.
MS heldur úti frábærum vef þar sem hægt að fá hugmyndir að snjöllu skólanesti. Hægt er að skoða síðuna HÉR.