Frostpinnar fyrir fullorðna (8 stk.)

• 1 bolli ferskur ananas
• 1½ msk. romm (t.d. Malibu)
• 1 dós kókosmjólk
• 3 msk. sykur, eða maple-síróp

Aðferð:

1. Setjið ananas í skál og hellið romminu yfir. Leyfið því að standa í 5-10 mínútur og hrærið í blöndunni af og til.
2. Kókosmjólk og sykur fer saman í blandara á fullum krafti í 1 mínútu. Takið ananasinn og hellið romminu af sem er í skálinni og ananasinn fer út í blandarann. Ekki láta þó rommið fara til spillis – fáið ykkur bara sopa af því! Setjið blandarann aftur í gang en passið að ananasinn maukist ekki of mikið, það er gott að hafa litla bita í frostpinnunum.
3. Hellið blöndunni í ísform og setjið í frysti í 4-6 tíma.