Matur | mbl | 5.10.2018 | 16:04 | Uppfært 6.10.2018 23:34

Ostakúlur með chili-ídýfu

Það er ekkert að fara stoppa okkur í því að prófa þessar kúrbíts-ostakúlur. mbl.is/Frederikke Wærens

Djúpsteiktar osta-kúrbítskúlur með chili-feta-ídýfu. Er hægt að biðja um eitthvað meira? Hér þarf ekkert að íhuga hvort þetta skuli smakkast því það er alltaf að fara að gerast. En fyrst út í búð að kaupa í herlegheitin.

Kúrbítskúlur með chili-dýfu (16-18 stk.)

600 g kúrbítur (samsvarar 2 stórum)
2 tsk. salt
250 g rifinn mozzarella
1 tsk. cummin
2 tsk. þurrkaðar chili-flögur
2 stór hvítlauksrif, pressuð
Pipar
2 msk. hveiti
2 msk. kartöflumjöl

Chili-ídýfa með feta:

4 dl grísk jógúrt
2 msk. fetakubbur
2 tsk. Sriracha
1 tsk. þurrkaðar chili-flögur
Salt og pipar

Annað:

3 pískuð egg
150 g hveiti
150 g panko-rasp
1 ltr. olía til steikingar

Aðferð:

Kúrbítskúlur: Rífið kúrbít niður með rifjárni. Bætið við salti og pressið vatnið úr kúrbítnum. Blandið osti, cummin, þurrkuðum chili-flögum, hvítlauk, pipar, hveiti og kartöflumjöli saman við kúrbítinn.
Formið 16-18 jafnstórar kúlur og setjið inn í ísskáp þannig að þær haldi sér saman.
Chili-ídýfa: Blandið öllum hráefnunum saman í skál.
Djúpsteiking: Veltið kúrbítskúlunum upp úr eggi, hveiti, aftur eggi og því næst raspinu. Hellið olíu í djúpan pott og hitið upp hægt og rólega. Hægt er að setja smávegis af hveiti í olíuna til að kanna hvort hún sé orðin nógu heit. Ef hveitið „hleypur um“ þá er olían tilbúin. Steikið tvær kúlur í einu þar til þær verða stökkar og gylltar. Leyfið olíunni að leka af þeim á eldhúspappír.