Matur | mbl | 13.10.2018 | 20:31

Jóhanna mætti með rósettur á kvenfélagsfund

Albert Eiríksson og Bergþór Pálsson ásamt Kvenfélagi Reyðarfjarðar. mbl.is/Albert Eiríksson

Bergþór Pálsson og Albert Eiríksson, sjentilmenn og mannasiðameistarar með meiru, mættu á fund hjá Kvenfélagi Reyðarfjarðar og héldu skemmtilegan fyrirlestur. Að sjálfsögðu var boðið upp á veitingar og það var Jóhanna Sigfúsdóttir sem mætti með rósettur með rjómasalati. Þær eru ekki algengar á veisluborðum nú til dags en þykja hreinasta sælgæti.

Nánar má lesa um kvenfélagsfundinn á heimasíðu Alberts sem hægt er að nálgast HÉR.

Rósettur með rjómasalati

125 g hveiti
1 egg
1/2 tsk. salt
1/2 dl pilsner eða bjór
2 dl mjólk

Blandið öllu saman og látið bíða í a.m.k. klukkustund áður en bakað er. Dýfið járninu í deigið og síðan beint í vel heita plöntufeiti eða tólg. Berið fram með með rjómasalati með þeyttum rjóma, súkkulaði, (niðursoðnum) perum og gráfíkjum.