Matur | mbl | 31.10.2018 | 11:06 | Uppfært 11:30

Klassíski pastarétturinn með haugi af osti

Mac´n´cheese er rétturinn sem fær allt og alla til að líða aðeins betur á erfiðum dögum. mbl.is/Betina Hastoft

Þegar þig dreymir um „comfort food“ þá tölum við um hina einu sönnu útgáfu af makkarónum og osti eða mac‘n‘cheese – rétt eins og Ameríkaninn elskar. Hvað er betra á blúsuðum degi en að fá sér pastarétt með haugi af osti.

Klassíski pastarétturinn með haugi af osti (mac‘n‘cheese)

7 dl mjólk
1 skallotlaukur
1 stórt hvítlauksrif
2 lárviðarlauf
350 g makkarónur
50 g smjör
50 g hveiti
175 g rifinn cheddar-ostur
1 msk. sinnep
50 g brauðkrumlur
50 g parmesan

Aðferð:

Setjið mjólk í pott. Skerið skallotlauk og hvítlauk í fjóra báta og setjið út í pottinn ásamt lárviðarlaufunum.
Hitið upp að suðu og takið þá pottinn af hellunni. Leyfið mjólkurblöndunni að standa í 30 mínútur og sigtið hana þá yfir í skál eða könnu.
Sjóðið makkarónurnar í söltuðu vatni.
Bræðið smjörið í potti og bætið hveiti út í. Hrærið saman í litla bollu og bætið þá mjólkinni smátt og smátt út í og pískið saman þar til útkoman verður að sósu.
Hrærið rifnum cheddar-osti og sinnepi út í sósuna og smakkið til með salti og pipar.
Hitið ofninn á 200°.
Setjið makkarónurnar í eldfast mót og hellið sósunni yfir.
Raspið brauðið fínt og dreifið yfir réttinn ásamt parmesan-osti.
Setjið í miðjuna á ofni í 15-20 mínútur og bakið þar til rétturinn verður gylltur.