Ómótstæðilegt salat með parmaskinku og melónu

Það er fátt sem toppar melónu og parmaskinku saman í …
Það er fátt sem toppar melónu og parmaskinku saman í einum rétti. mbl.is/Valdemarsro

Megum við kynna ferskasta meðlæti mánaðarins – hentar með öllum mat eða sem forréttur. Það gerist eitthvað stórkostlegt þegar melóna og parmaskinka mætast og bragðlaukarnir vakna úr dvala. Það verður ekki betra en þetta – satt og sannað!

Heimsins besta melónusalat

  • 70 g rucola
  • 70 g parma- eða serranóskinka
  • ½ galia melóna
  • ½ cantaloup-melóna
  • 30 g furuhnetur, ristar á pönnu
  • 125 g mozzarella
  • 1 msk. balsamikgljái
  • 1 msk. ólífuolía
  • Svartur pipar
  • Flögusalt

Aðferð:

  1. Skerið melónuna í litlar kúlur eða teninga.
  2. Setjið ólífuolíu og balsamikgljáa á stórt fat og veltið rucola þar upp úr. Rífið skinkuna niður í munnbita ásamt mozzarella-ostinum. Dreifið yfir salatið, því næst melónukúlunum og furuhnetunum.
  3. Saltið og piprið áður en borið er fram.
mbl.is/Valdemarsro
mbl.is
Fleira áhugavert
Fleira áhugavert