Það eru að koma jól þannig að þið þarna krútt sem hélduð að nóvember væri einhverskonar dulkóðun fyrir no-sugar getið tekið gleði ykkar því nú skal haldið partý. Aðalstjarnan í því verður svo þessi marengsdraumur sem er í senn yfirliðsvaldandi og mögulega hjartaáfallsvaldandi...
Það er meistari Berglind Hreiðars sem á heiðurinn að henni en hægt er að nálgast Gotterí & gersemar HÉR.
Marengsdraumur
- 4 eggjahvítur
- 4 dl púðursykur
- 400 ml rjómi
- Ferrero Rocer kúlur
- Nóa kropp
Aðferð:
- Þeytið saman eggjahvítur og púðursykur þar til stífþeytt.
- Teiknið hring um 25 cm í þvermál á bökunarpappír og dreifið marengsblöndunni jafnt í hring.
- Bakið við 160°C í 45 mínútur og leyfið að kólna í ofninum.
- Þeytið rjómann og smyrjið yfir botninn.
- Skerið niður Ferrero Rocer kúlur og dreifið yfir rjómann ásamt Nóakroppi, fallegt er síðan að sigta smá bökunarkakó yfir allt saman í lokin.
mbl.is/Berglind Hreiðarsdóttir
mbl.is/Berglind Hreiðarsdóttir