Hinn fullkomni hversdagsréttur er það sem þetta er og ekkert annað. Sneisafullur af alls kyns góðgæti og í miklu uppáhaldi jafnt hjá börnum sem fullorðnum. Svo er hann líka fljótlegur og bráðhollur.
Kjúklinganúðlusúpa sem allir elska
- 2 msk. extra virgin ólífuolía
- 450 g kjúklingabringur
- sjálvarsalt, nýmalaður svartur pipar, 1 tsk. oregano
- 1 stór laukur, saxaður
- 3 stórar gulrætur, saxaðar
- 3 sellerístilkar, saxaðar
- 2 hvítlauksgeirar, maukaðir
- 1.200 ml kjúklingasoð
- 800 ml vatn
- slatti af timian
- 1 lárviðarlauf
- 340 g núðlur
- 1 búnt af grænkáli, stilkhreinsað og skorið fínt niður
- safi úr 1 sítrónu
- Hitið 1 msk. af olíu í stórum potti á miðlungsháum hita. Kryddið kjúklinginn vel með óreganó, salti og pipar og setjið í pottinn. Steikið í pottinum uns gullinbrúnt og gegneldað eða í um 8 mínútur á hvorri hlið.
- Látið kjúklinginn hvíla í góða stund áður en þið skerið hann í bita.
- Setjið 2 msk. af kjúklingasoði á heita pönnu og steikið kjúklingabitana vel. Gætið þess að soðið hjúpi bitana vel. Lækkið hitann, takið kjúklinginn af pönnunni og setjið matskeið af olíu á pönnuna.
- Þegar olían er orðin heit skal setja laukinn, gulrótina og selleríið á pönnuna. Kryddið með salti og pipar og eldið í fimm mínútur eða svo. Hrærið hvítlauk saman við og látið malla í mínútu eða svo.
- Hellið soðinu yfir ásamt vatni og bætið við lárviðarlaufi og timían. Látið malla rólega í 15 mínútur. Saltið og piprið eftir smekk.
- Hækkið hitann og látið suðuna koma upp. Bætið þá við núðlum. Eldið uns núðlurnar eru tilbúnar eða um það bil 7 mínútur. Takið timán og lárviðarlaufið upp úr. Bætið við grænkáli, sítrónusafa og kjúklingnum.