Verslunarrisinn Sainsbury´s verður formlega fyrsta stórverslunin í Bretlandi til að hefja sölu á skordýrum til átu. Ristaðar engisprettur með BBQ-bragði verða settar í sölu í 250 verslunum keðjunnar frá og með næstu viku.
Það er fyrirtækið Eat Grub sem framleiðir engispretturnar en fyrirtækið þykir afar framsækið og býður upp á fjölda vörutegunda.
Skordýr eru vinsæll matur víða í heiminum og eru afskaplega næringar- og próteinrík. Margir horfa til þeirra sem lausnar á vandamálum heimsins þar sem auðvelt er að rækta þau og ákaflega umhverfisvænt.
Hægt er að skoða heimasíðu Eat Grub og kynna sér úrvalið betur HÉR.