Matur | mbl | 24.11.2018 | 17:06

Einfalda jólasmákökuuppskriftin

Það er tilvalið að skella í jólasmákökur og njóta þeirra yfir aðventuna. mbl.is/TheFoodClub.dk

Við erum dottin inn í smákökutímann og það er ekkert aftur snúið. Leyfum okkur bara að njóta og prófa nýjar uppskriftir sem þessa – mun eflaust falla vel í kramið hjá öllum á heimilinu.

Einfalda jólasmákökuuppskriftin (ca. 120 stk.)

250 g sykur
250 g smjör
1 egg
400 g kókosmjöl
250 g hveiti
2 msk. kakó
1 tsk. natron

Aðferð:

Pískið sykur, mjúkt smjör og egg vel saman. Blandið því næst restinni af hráefnunum út í og hnoðið vel.
Búið til litlar kúlur úr deiginu (sirka á stærð við eina valhnetu) og leggið á bökunarpappír á bökunarplötu.
Bakið við 170° í sirka 15 mínútur. Leyfið smákökunum alveg að kólna áður en þær fara í kökubox eða annað ílát.