• 1 vanillustöng
• 1 l léttmjólk
• 4 msk. sykur
• 100 g dökkt súkkulaði
• 2 msk. kakóduft
• Salt á hnífsoddi
• 1 kanilstöng
• 1 stjörnuanís
• 4 kardimommur, heilar
• Strimill af appelsínuberki
• ½ L vanilluís
• 1 dl Grand Marnier

Aðferð:

1. Opnið vanillustöngina og skafið kornin úr. Hitið 1 dl af mjólkinni með vanillukornunum, sykrinum, súkkulaðinu, kakóinu og saltinu. Hrærið þar til allt hefur blandast vel saman.
2. Setjið restina af mjólkinni ásamt kryddum og appelsínuberkinum út í pottinn og hitið upp rólega þar til drykkurinn er orðinn heitur án þess að sjóða. Slökkvið þá undir og látið standa í allt að 1 klukkustund.
3. Hitið súkkulaðið upp aftur og hellið því næst Grand Marnier út í og berið fram með vanilluís.