Við þykjumst vita að flestir þarna úti elska að fá jólakort heim með póstinum en eru kannski ekki þeir virkustu í að senda kort sjálfir. Og hugsunin „á næsta ári ætla ég að senda kort“ skýst fram í kollinn.

Fyrir einhverja er þetta tómt vesen, kostnaðarsamt og tímaþjófur. En hvernig væri að senda bara nokkrum útvöldum kort í ár, heimagert jólakort með persónulegri kveðju sem fær viðtakandann til að skæla af gleði? Við lofum að þegar þú byrjar þá verður þetta hin skemmtilegasta kvöldstund, jafnvel með eitt rauðvínsglas á kantinum.