Hjördís Dögg Grímarsdóttir á Mömmur.is skipti nýlega um húsnæði en það sem heillaði mest við nýja húsið var allt plássið sem hún fékk fyrir mömmur.is eða samtals um 40 fermetrar. 

Hún valdi sér innréttingu frá Parka og segist hafa kolfallið fyrir hugmyndunum sem starfsmenn verslunarinnar komu með. Eldhúsið er í alla staði einstaklega vel heppnað og henntar Hjördísi vel þar sem hún þarf umfram allt að vera með gott vinnurými. 

Eldhúsið er mjög svo í hennar anda enda afar smekklegt - eins og hún sjálf - auk þess sem bleikir tónar ráða ríkjum. 

Það alsnjallasta við eldhúsið er svo sú staðreynd að eyjan er á hjólum sem er algjör snilld.