Öll þekkjum við þá tilfinningu að nenna ekki að elda. Bara alls ekki. Sjónvarpsstjörnur og ofurkokkar eru þar engin undantekning og sjálf Nigella Lawson lýsti því á dögunum hvaða matur væri formlega „letimaturinn“ hennar.

„Ég byrja á því að sjóða grænkál – ef ég hef næga þolinmæði til að bíða – eða steiki smá blómkál. Ég opna dós af úrvalssardínum og þegar grænmetið er tilbúið kreisti ég smá sítrónusafa í pott með extra-virgin ólífuolíu og bæti við nokkrum chili-flögum, því næst sardínunum (og passa að þær fari vel í sundur). Síðan set ég grænkálið eða blómkálið, hristi þetta vel saman, kreisti smá sítrónusafa til viðbótar yfir og set þær kryddjurtir sem á ég yfir. Og já – hnetur ef ég á þær til. Best er að setja steinselju og valhnetur ef ég er með grænkálið eða dill og ristaðar furuhnetur með blómkálinu. En annars fer þetta eftir hvað er til í skápunum. Ef ég er of löt til að gera þetta þá er ekkert að ristuðu brauði með vænni smjörklípu og góðum tebolla. Það er ekkert sem toppar te og brauð,“ segir Nigella og þar höfum við það.

Nigella Lawson. mbl.is/Facebook

Tengdar fréttir

Uppskriftir

Pítsa er ekki bara pítsa, það veit Árni

• Heimabakaða Brioche brauð að hætti Lindu Ben
• Fiskibollur í karrísósu á einfalda mátann
• Langbesta Hollandaise-sósan
• Mozzarella-fiskréttur sem svínvirkar

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt