Gott pasta getur ekki klikkað og þessi uppskrift er það sem við skilgreinum sem hið fullkomna sunnudagspasta.
Syndsamlega gott sunnudagspasta
Fyrir fjóra
- 2 msk. ósaltað smjör
- 2 stórir shallot-laukar, þunnt skornir
- 1 tsk. piparflögur
- 2 tsk. sjávarsalt
- 1 tsk. ferskur svartur pipar
- 340 g pasta (penne eða rigatoni)
- 960 ml kjúklingasoð (eða vatn með kjúklingakrafti)
- 390 g rifinn kjúklingur (eldaður)
- 60 ml rjómi
- 1/2 bolli ferskar jurtir, saxaðar (t.d. óreganó, steinselja, basil o.s.frv.)
- 2 msk. ferskur sítrónusafi + 1 tsk. rifinn sítrónubörkur
Aðferð:
- Bræðið smjörið í stórum steypujárnspotti (eða sambærilegum potti) á miðungshita. Bætið shallot-lauknum, piparflögunum, salti og svörtum pipar við. Steikið og hrærið reglulega í uns laukurinn er orðinn mjúkur og gullinn á lit eða í 5-8 mínútur.
- Setjið pastað og kjúklingasoðið í pottinn og látið suðuna koma upp. Takið lokið af pottinum og hrærið reglulega í til að tryggja að pasta sé hvergi fast við botninn. Gerið þetta í 8-12 mínútur eða þar til pastað er næstum því soðið (fer eftir því hvernig pasta er notað). Setjið kjúklinginn saman við og rjómann og sjóðið í 1-2 mínútur eða þar til kjúklingurinn er orðinn heitur. Bætið að lokum við kryddjurtunum, sítrónusafanum og sítrónuberkinum.
- Berið fram og skreytið með piparflögum og kryddjurtum.