Ný borðbúnaðarlína frá Iittala

mbl.is/Iittala

Norrænt matarborð er þema ársins 2019 hjá Iittala. Sérstök áhersla er lögð á borðhald og smávöru, en vörumerkið er þekkt á heimsvísu fyrir sérþekkingu á glervinnslu og hágæðaglerlitum. Í ár kynnir Iittala til sögunnar nýja borðbúnaðarlínu sem hönnuð er af Jasper Morrison. Morrison er enskur vöru- og húsgagnahönnuður sem hefur unnið fyrir fjölmörg heimsþekkt vörumerki eins og Vitra, Alessi, Rosenthal, Muji og Flos.

Línan, sem ber heitið Raami, er einföld og falleg borðbúnaðarlína sem hentar vel þegar skapa á gott andrúmsloft. Önnum kafnir einstaklingar kunna flestir vel að meta frjálslegt andrúmsloft og afslappaðar samkomur í stað formlegra matarboða. Þeir kunna að meta fjölnota borðbúnað sem hjálpar til við að skapa góða stemningu hvort sem er við morgun-, hádegis- eða kvöldverðinn. Finnska orðið Raami merkir rammi eða umgerð, en segja má að vörulínan rammi inn stemninguna við matarborðið. Raami-borðbúnaðurinn er lágstemmdur og tekur ekki athyglina heldur skilur eftir rými fyrir stemninguna, matinn, drykkina og ímyndunaraflið.

Vörulínan inniheldur diska, skálar, framreiðslufat, eggjabikar, kaffibolla, teketil, trébretti, vatnsglös, karöflu, vínglös og kertastjaka.

mbl.is/Iittala
mbl.is/Iittala
mbl.is/Iittala
mbl.is