Hér höfum við stórkostlega girnilegan helgarkjúkling sem er gráupplagt að skella í á degi sem þessum. Girnilegur og stökkur, hjúpaður í raspi.
Nú ef þið nennið hreinlega ekki að elda þá þarf bara að panta réttinn hjá Einn, tveir og elda.
Stökkur parmesan-kjúklingur með frönskum kartöflum og ostasósu
Aðferð:
1. Skerið bökunarkartöflurnar í franskar, raðið þeim á ofnplötu og bakið í 30-35 mínútur við 200°C undir- og yfirhita.
2. Skerið bringurnar í tvennt langsum þannig að úr einni bringu verði tvær þunnar.
3. Pískið egg í skál og blandið brauðrasp og 50 gr. af parmesan-ostinum í aðra skál, veltið bringunum fyrst upp úr egginu og síðan raspinum.
4. Hitið dass af olíu á pönnu og steikið bringurnar í 2-3 mínútur á hvorri hlið eða þar til raspurinn er orðinn fallega gylltur. Kryddið með salti og pipar og bætið olíu út á eftir þörf.
5. Færið kjúklinginn í eldfast mót og bakið þar til fulleldaður eða í um það bil 10 mínútur.
6. Blandið saman majónesi, sýrðum rjóma og restinni af parmesan-ostinum, smakkið ykkur til með salti og pipar.
7. Berið kjúklingabringurnar fram með fersku spínati, frönskum kartöflum og ostasósunni. Kreistið sítrónusafa yfir kjúklinginn eftir smekk.