Það hefur ekki farið fram hjá neinum að Óskarsverðlaunahátíðin var um helgina. Algjör draumur fyrir marga að fylgjast með hvað stjörnurnar fá að borða, hver hannaði dressið og hverjir fara með Óskarinn heim.
Leikkonan Nora Lum, sem gengur undir nafninu Awkwafina, mætti í glitrandi dressi með litla tösku undir hendinni í stíl. Á meðan hún stóð á rauða dreglinum sást til hennar lyfta töskunni upp og fá sér sopa. Aðspurð sagðist hún vera með tekíla í pela sem væri eins og taska, svona til að róa aðeins taugarnar, og fór ekkert leynt með það.