Þreföld súkkulaðibomba

Þreföld súkkulaðiánægja er komin á borðið.
Þreföld súkkulaðiánægja er komin á borðið. mbl.is/Winnie Methmann

Við köllum á alla súkkulaðiaðdáendur þarna úti! Þið sem fáið vatn í munninn við það eitt að hugsa um súkkulaði ættuð að sleppa öllu frá ykkur og vinda ykkur í bakstur á þessari bombu sem við erum að bjóða upp á.

Þreföld súkkulaðibomba

  • 200 g smjör
  • 200 g 70% súkkulaði
  • 100 g hveiti
  • 3 egg
  • 250 g sykur
  • ½ tsk. salt
  • 150 g mjólkursúkkulaði
  • 150 g hvítt súkkulaði
  • Bökunarform, 20x30 cm

Skraut:

  • 25 g dökkt súkkulaði
  • 25 g mjólkursúkkulaði
  • 25 g hvítt súkkulaði

Aðferð:

  1. Hitið ofninn í 175°. Bræðið smjör og dökkt súkkulaði saman í potti.
  2. Pískið hveiti, egg, sykur og salt saman í skál þar til loftkennt. Hellið súkkulaðiblöndunni út í blönduna og blandið varlega saman með sleif. Hakkið mjólkursúkkulaðið og hvíta súkkulaðið gróflega og bætið út í deigið.
  3. Klæðið bökunarform með bökunarpappír og hellið deiginu í formið. Bakið í ofni í 25 mínútur. Ágætt er að leyfa kökunni að kólna þar til daginn eftir – hún verður bara betri á að hafa staðið yfir nótt í ísskáp.
  4. Bræðið dökkt, mjólkur- og hvítt súkkulaði saman yfir vatnsbaði í potti. Dreypið súkkulaðinu yfir kökuna áður en hún er skorin í bita.
mbl.is