Kaldi brauðrétturinn sem Albert mælir með

mbl.is/Albert Eiríksson

Þessi frábæri brauðréttur kemur úr smiðju Lionskvenna í Borgarnesi en hann er að sögn Alberts Eiríkssonar einstaklega fljótlegur og bragðgóður - eiginlega bara algjört sælgæti sem þið verðið að prófa. 

Matarbloggið hans Alberts er hægt að nálgast HÉR.

Kaldur brauðréttur

  • 1 brauð
  • 2 dl. sýrður rjómi
  • 1 lítil dós mæjónes
  • ananassafi
  • ½ kg rækjur eða skinka
  • ½ dós ananas
  • 1 rauð paprika
  • 1 gul paprika
  • 1 agúrka
  • 1 blaðlaukur

Rífið brauðið smátt og setjið í form. blandið sýrðum rjóma, mæjónesi, ananas og helmingi af ananassafa saman við. Stráið rækjum eða skinku yfir. Hellið restinni af ananassafanum yfir. Saxið paprikur, agúrku og blaðlauk og stráið yfir.

mbl.is