Hvað er betra en mexíkósk súperveisla á degi sem þessum. Foreldaðar sous vide bringur eru hreinlega bót allra meina og gera tilveruna umtalsvert auðveldari - sérstaklega þegar maður nennir ekki að elda.
Það er engin önnur en Linda Ben sem á þessa uppskrift en hún klikkar ekki frekar en fyrri daginn.
Djúsí Kjúklinga Supernachos
200 g Nachos maís flögur
2 stk hægeldaðar Ali sous vide kjúklingabringur í Rodizio marineringu
1 ½ dl gular baunir
200 g rifinn ostur
2 tómatar
½ rauðlaukur
2 lítil avocadó
1 jalapeno
1 dós Habanero sýrður rjómi
Aðferð:
Kveikið á ofninum, stillið á 200°C.
Setjið nachos flögur í stórt form þannig það dreifist vel úr þeim.
Skerið kjúklingabringurnar í fremur litla bitastóra bita.
Dreifið gulu baununum yfir og ostinum, bakið í 20 mín eða þar til osturinn byrjar að brúnast örlítið.
Skerið tómatana, rauðlaukinn og avocadóin smátt niður og dreifið yfir. Skerið jalapenóið í sneiðar og dreifa yfir ásamt habaneró sýrða rjómanum.