Matur | mbl | 20.3.2019 | 17:04

Stelpur í meirihluta í fyrsta sinn

Iðunn Sigurðardóttir, Snædís Xyza Mae Jónsdóttir Ocampo, Kolbrún Hólm Þorleifsdóttir, Sigurjón Bragi Geirsson og Rúnar Pierre Heriveaux. mbl.is/aðsend

Keppnin Kokkur ársins 2019 fer fram í Hörpu á laugardaginn og af þeim sem komust í úrslit eru þrjár konur en slíkt hefur ekki áður gerst hér á landi.

„Þetta markar tímamót í þessari keppni því aldrei hafa fleiri konur keppt til úrslita og hlutfallið hefur aldrei áður verið þeim í vil,” segir Björn Bragi Bragason, forseti Klúbbs matreiðslumeistara, sem heldur keppnina. „Stéttin hefur verið mjög karllæg og öll skref í átt að meira jafnvægi eru góð skref í átt til að tryggja öfluga og fjölbreytta stétt fagfólks,” bætir Björn við.

Þeir kokkar sem tryggðu sér þátttökurétt í lokakeppni 23. mars eru:

            • Iðunn Sigurðardóttir, Íslenski matarkjallarinn
            • Snædís Xyza Mae Jónsdóttir Ocampo, Hótel Saga Mímir Restaurant
            • Kolbrún Hólm Þorleifsdóttir, Deplar Farm
            • Sigurjón Bragi Geirsson, Garri
            • Rúnar Pierre Heriveaux, Grillið Hótel Sögu

            ( í sömu röð og á myndinni sem fylgir talið frá vinstri )

Sigurvegarinn verður krýndur Kokkur ársins og hlýtur þátttökurétt fyrir Íslands hönd í Matreiðslumaður Norðurlanda 2020. Verðlaunin eru ekki af verri endanum en í fyrstu verðlaun eru 300.000 krónur. Keppnin er opin öllum frá kl. 13:00 til kl. 18:00 sem vilja koma og fylgjast með færustu kokkum landsins Eftir það er einungis opið fyrir veislugesti.

Um kvöldið fer svo lokahluti keppninnar fram þar sem boðið verður upp á fjögurra rétta seðil í umsjá kokkalandsliðsins ásamt sigurvegara keppninnar í fyrra og árið 2007.

Hægt er að bóka borð í gegnum netfangið chef@chef.is.

MATSEÐILL KVÖLDSINS:

<div>

Á undan Hráskinka & íslenskir ostar Lystauki ÓX Restaurant Villisveppaseyði, eggjarauða, brent smjör, eggjakrem Forréttur Kokkalandsliðið Marineruð bleikja, súrumjólk, dill & hrogn Aðalréttur Kokkalandsliðið Lambahryggur, kartöflur, brokolini & yuzu Eftirréttur Kokkur ársins 2018 Garðar Kári Garðarsson Súkkulaði, heslihnetur, hindber og lakkrís Kaffi & koníak Miðaverð kr 19.900.- Sérvalin vín með hverjum rétti og vönduð skemtiatriði

<div>

Veislustjóri: Einar Bárðar Skemtiatriði: Helgi Björnsson & Meistari Jakob

</div> </div>