Khloe Kardashian gerir allt vitlaust með megrunartei

Khloe Kardashian er í afar góðu formi en þar skiptir ...
Khloe Kardashian er í afar góðu formi en þar skiptir mataræðið og hreyfing mestu máli. mbl.is/Instagram

Khloe Kardashian heldur áfram að gera allt vitlaust en þessa mynd birti hún á Instagram þar sem hún þakkar Flat Tummy-teinu árangurinn.

Margir vilja meina að hún sé að gefa fylgjendum sínum, þá ekki síst ungum stúlkum, afar rangar hugmyndir þar sem ekki sé minnst á aðra þætti eins og heilbrigðan lífstíl, hollt mataræði og hreyfingu. 

Sjálf er Khloe sólgin í salöt eins og sést reglulega í raunveruleikaþættinum Keeping Up With The Kardashians auk þess sem hún er afar dugleg í ræktinni.

Khloe lætur hins vegar gagnrýnina sem vind um eyru þjóta og heldur áfram að auglýsa teið en framleiðendur þess greiða henni vænan skilding fyrir. 

mbl.is