Ef það er eitthvað sem gerir góðan dag enn betri er það tilhugsunin um að gæða sér á dásemdar kjúklingi með þessu líka svaðalega meðlæti.
Við erum að tala um hunangs-sinnepssósu sem slær nákvæmlega enga feilnótu og svo auðvitað beikon. Hvað þarf meira í lífið?
Þessi meistarauppskrift kemur úr smiðju Einn, tveir og elda.
Lágkolvetna Honey mustard kjúklingur með stökku beikoni
- 2 kjúklingabringur
- 4 sneiðar af beikoni
- 2 msk. dijon sinnep
- 1 msk. hunang
- 1 msk. sojasósa
- 2 msk. ólífuolía
- 200 ml rjómi
- 100 g spínat
Aðferð:
- Hitið ofninn í 200°c og stillið á blástur. Hrærið saman dijon sinnepinu, hunanginu, sojasósu og ólífuolíu. Leggið bringurnar í sósuna.
- Hitið 2-3 msk af olíu á pönnu, steikið kjúklingabringurnar í 2 mínútur á hvorri hlið. Bætið þá restinni af honey mustard sósunni útá pönnuna ásamt rjómanum og hitið að suðu.
- Skerið beikonið í litla bita og steikið á pönnu þar til orðið nokkuð stökkt.
- Færið kjúklinginn í eldfast mót ásamt sósunni, stráið beikoninu vel yfir báðar bringurnar og bakið í ofni í 10-15 mínútur. Berið fram ásamt fersku spínati eða meðlæti að eigin vali. Njótið vel!