Þú munt ekki geta hætt að hugsa um þetta brokkolí eftir að hafa gætt þér á því, málið er ekkert flóknara en það. Hér bjóðum við upp á ristað brokkolí í ofni baðað í ólífuolíu, hvítlauk, piparflögum og í góðum félagsskap ristaðra mandla, sítrónusafa og parmesan. Ef þessi uppskrift kveikir ekki á öllum skilningarvitunum þá er ekkert að fara gera það.
Ristað brokkolí af bestu gerð
- 450 g brokkolí
- 3 msk. ólífuolía
- 1 msk. hvítlaukur, marinn
- Dass af rauðum piparflögum
- ½ tsk. kosher salt
- 3 msk. möndluflögur
- 2 tsk. sítrónusafi
- Parmesan
- Rifinn börkur af hálfri sítrónu
Aðferð:
- Hitið ofninn á 240°C.
- Setjið álpappír á bökunarplötu og skerið brokkolí í jafna bita.
- Pískið saman í skál ólífuolíu, hvítlauk og piparflögur. Veltið brokkolíinu upp úr blöndunni.
- Dreifið brokkolíinu jafnt yfir plötuna og dreifið salti yfir.
- Ristið í ofni í 10-12 mínútur, takið úr ofninum og hristið aðeins upp í brokkolíinu. Dreifið möndluflögunum jafnt yfir. Setjið aftur inn í ofn í 6-8 mínútur.
- Setjið ristaða brokkolíið á disk og kreistið ferskan sítrónusafa yfir. Stráið því næst parmesan yfir.
- Raspið sítrónubörk yfir og berið fram heitt.
mbl.is/Eazypeazymealz.com
mbl.is/Eazypeazymealz.com