Matur | mbl | 5.4.2019 | 14:26

Sunnudagskjúklingur Svövu Gunnars

mbl.is/Svava Gunnarsdóttir

Þessi kjúkingaréttur er bráðeinfaldur og alveg ómótstæðilegur í alla staði. Hann er - eins og Svava segir - algjörlega fullkomin á flestum dögum en hún hafði hann þó í matinn á sunnudegi og segir hann hafa smellpassað.

Ljúfmeti & lekkerheit er hægt að heimsækja hér.

Kjúklingur og sætar kartöflur – uppskrift fyrir 4

1 lítil dós kókosmjólk (160 ml)
2 msk. púðursykur
2 msk. sojasósa
2 msk. hnetusmjör
1 msk. fiskisósa
1 tsk. karrýmauk (red curry paste)
2 hvítlauksrif
½ tsk. salt
½ tsk. pipar
1 dós hakkaðir tómatar í dós (400 ml)
2 miðlungsstórar sætar kartöflur, afhýddar og skornar í sneiðar
900 g beinlaus kjúklingalæri

Hitið ofn í 200°C. Hrærið saman öllum hráefnum fyrir utan sætar kartöflur og kjúkling. Leggið sætu kartöflurnar í botninn á ofnpotti (eða eldföstu móti), setjið kjúklinginn yfir og endið á að hella sósunni yfir. Setjið lokið á pottinn (eða álpappír yfir eldfasta mótið) og bakið undir loki í 45 mínútur. Takið lokið af og bakið áfram í 15 mínútur.