Hann ber ekki mikið utan á sér veitingastaðurinn Statera sem staðsettur er í Lima höfuðborg Perú. En sú sýn breytist um leið og gengið er inn á staðinn. Á móti þér tekur dökkur hlýr viður, marmari og hangandi plöntur.

Arkitektastofan MD27, hefur á stórkostlegan hátt náð fullkomnu jafnvægi milli arkitektúrs og náttúru – þar sem grænblöðungar virðast svífa í steyptum görðum. Náttúruleg birta flæðir að ofan og leikur fallega um rýmið og tónar fullkomlega við innréttingarnar og efniviðinn – og þá sérstaklega í marmaranum sem sjá má í barborðinu.

MD27 nota stór steypt ker til að búa til garðinn sem spannar lofthæðina og treysta þar með á sólarljósið og náttúrulegt umhverfi fyrir plönturnar að þrífast sem best.