Eins og nafnið gefur til kynna er kínakál upprunalega frá Kína. En það er margt annað skrítið og skemmtilegt sem við vissum ekki um þetta stökka kál fyrr en núna.

• Það má rekja sögu kálsins til Kína í meira en 1.500 ár og eflaust eitthvað lengur.
• Kínakál náði til Evrópu eftir að menn í Austurríki hófu að rækta það. Eftir það breiddist það frekar hratt á milli annara landa í Evrópu.
• Kínakál er vinsælt á meðal barna og fullorðinna og í raun er þetta kál sem nánast öllum finnst gott. Það er milt á bragðið og kálblöðin eru stökk en á sama tíma safarík.
• Kálið er þekkt fyrir hvítan „kropp“ með ljósgrænum blöðum og borðum við hvort tveggja.
• Við sjáum oft kálið í wok-réttum, en það er dásamlega gott að steikja það í 15 sekúndur á heitri wok-pönnu og bæta við smávegis af hvítlauk og ostrusósu.
• Kínakál gerir margar súpur betri og gefur góða fyllingu. Er einnig ljúffengt á hamborgara.
• Þú getur geymt kálið í ísskáp í allt að viku í plastpoka. Eins má fríska upp á blöðin með því að leggja þau í ískalt vatn í 15 mínútur áður en þú notar þau.

mbl.is/Ekran.is

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt