Dúnmjúkir munnbitar með saffran og gulrót eru hér á boðstólnum. Þessi kaka mun kæta mannskapinn sem hana mun smakka.
Til fróðleiks má geta að saffran er eitt dýrasta krydd veraldar, en ástæðurnar felast í því að það þarf gífurlega mörg blóm til að framleiða eitt kíló af saffran, eða um 150-200 þúsund. Önnur ástæðan er sú að einungis er hægt að handtína fræið og þarf tínslan að fara fram snemma morguns því hitinn yfir hádaginn getur komið í veg fyrir gæði fræsins. Þar fyrir utan stendur blómgun saffrans einungis yfir í 4 vikur eða frá miðjum október fram í miðjan nóvember.
Mjúkir munnbitar með saffran
- 2 egg
- 3 dl sykur
- 200 g smjör
- 1 poki/bréf Santa Maria saffran
- 1,5 dl mjólk
- 4 dl hveiti
- 2 tsk. lyftiduft
- 1 gulrót
- 0,5 dl flórsykur til skrauts
Aðferð:
- Takið fram bökunarmót í stærðinni 23x30 cm. Klæðið það með bökunarpappír og smyrjið að innan.
- Rífið gulrótina með rifjárni og bræðið smjörið.
- Pískið egg og sykur saman þar til blandan verður loftkennd. Bætið við smjöri, saffran, gulrót og mjólk. Blandið lyftidufti saman við hveitið og hrærið því varlega saman við eggjablönduna.
- Hellið deiginu í mótið og bakið neðst í ofni við 175°C í 25 mínútur.
- Stráið smá sykri á bökunarpappír og snúið kökunni við á borðinu. Leyfið henni að kólna. Gott er að pensla bökunarpappírinn með köldu vatni sem kakan var bökuð með, til að losa pappírinn frá kökunni án þess að botninn festist við.
- Skerið kökuna í 4x4 cm og stráið flórsykri yfir.
- Geymið kökuna í kæli, pakkaða inn í plastfilmu til að hún haldist lengur mjúk.