Kjúklingabræðingur með guacamole og beikoni - ketó
mbl.is/Gígja S. Guðjónsdóttir
Setja bókamerki
Hver getur slegið hendinni á móti þessari dásemd? Hér erum við mögulega með allt það besta sem prýtt getur eina máltíð og hún er ketó í þokkabót.
Það er engin önnur en Gígja S. Guðjónsdóttir sem á heiðurinn að þessari snilld.
Kjúklingabræðingur með guacamole og beikoni - ketó
fyrir 4
- 4 kjúklingabringur
- 4 avocado
- 1 lime
- 1 tómatur
- 1/2 rauðlaukur
- 6 beikonsneiðar
- gratínostur frá Gott í matinn
- olía
- salt og pipar
- chilli-krydd
- kóríander
Aðferð:
- Kjúklingabringurnar eru kryddaðar með salti, pipar og chilli-kryddi og steiktar í olíu á pönnu við miðlungshita þar til þær eru eldaðar í gegn. Lykilatriði að pannan sé ekki of heit því þá getur kjúklingurinn brunnið að utan, en við viljum hafa hann mjúkan og góðan.
- Á meðan kjúklingurinn er á pönnunni er guacamole og beikonið græjað.
- Beikonið er sett í 200 gráðu heitan ofn þar til að það er orðið stökkt, þá er það tekið út og mulið.
- Ekki slökkva á ofninum þar sem kjúklingurinn fer líka inn í ofn.
- Guacamole-ið er auðvelt, avocado er stappað og niðurskornum tómötum, rauðlauk, lime-safa og salti og pipar bætt við og maukað með gaffli.
- Þegar kjúklingabringurnar eru tilbúnar er guacamole sett ofan á, ostinum stráð yfir og beikonbitunum stungið í.
- Næst fer kjúklingurinn inn í ofn í aðeins 3-5 mínútur svo að osturinn bráðni og hann næst borinn fram heimtur með fersku kóríander eftir smekk.
mbl.is/Gígja S. Guðjónsdóttir
„Hvílir mikil leynd yfir þessu öllu“
Árshátíð ríkislögreglustjóra haldin í Tékklandi
Handteknir eftir myndatöku í Vesturbæjarlaug
Kostnaður meiri en milljón á fermetra
Banna mengandi búnað sem leyfður er á Íslandi
Eyjafjarðarbraut lokað vegna alvarlegs umferðarslyss
Telur forsendur fyrir vaxtalækkun