Matur | mbl | 18.5.2019 | 13:01

Lífsbætandi lambalæri Lindu Ben

mbl.is/Linda Ben

Hér eru við að tala um svo mikil huggulegheit að maður hreinlega spyr sig hvenær sá dagur renni upp að Linda Ben bjóði okkur í mat. Smekklegheitin ríða ekki við einteyming hér því ekki nóg með að við fáum algjörlega frábæra uppskrift að lambalæri heldur fáum við líka að skyggnast á bak við tjöldin í eldhúsi Lindu.

Fáránlega fínt alveg hreint...

Lambalæri ofnsteikt með hasselback-kartöflum

Meðalstórt lambalæri
3-4 hvítlauksgeirar
Ferskt rósmarín
¾ dl ólífuolía
1 tsk þurrkuð steinselja
1 tsk þurrkað rósmarín
1 tsk þurrkað oreganó
1 tsk sítrónupipar
1 tsk salt
1 tsk paprika
8 stk bökunar kartöflur
5-6 hvítlauksgeirar

Aðferð:

Skerið nokkur göt um allt lambalærið, skerið hvítlaukinn í grófar sneiðar og stingið þeim inn í götin ásamt rósmaríni. Setjið ólífuolíu í skál ásamt kryddum, blandið saman og berið olíuna svo á lambalærið, passið að setja vel inn í götin líka. Setjið lærið á bakka og lokið með plastfilmu, látið marinerast inni í kæli í a.m.k.
Takið lambalærið út úr ofninum og leyfið því að ná stofuhita áður en það er sett í ofninn.
Kveikið á ofninum og stillið á 200 C.
Skolið kartöflurnar vel og vandlega, skerið í þær ⅔ niður með 2 mm millibili, passið að skera alls ekki kartöflurnar í sundur. Kryddið með salti og ólífuolíu, nuddið þær þannig að olían og saltið fari niður í skurðina. Raðið kartöflunum í stórt eldfast mót í kringum lambalærið. Raðið hvítlauksgeirum og ferskum rósmarínstilkum um mótið líka. Bætið við meiri ólífuolíu og kryddum ef ykkur finnst vanta. Bakið í ofni í 1 klst. og 20 mín. en fylgist vel með, ef lærið byrjar að brúnast of mikið þá smellið álpappír yfir. Leyfið lærinu að standa í 10 mín. áður en það er skorið. Skreytið með fersku rósmarín og sítrónuberki.