Það er mánudagsfiskur og að þessu sinni erum við með uppskrift sem er bæði sjúklega skemmtileg, auðveld og elskuð af börnum.
Fiskurinn sem krakkarnir elska!
- 450 gr. hvítur fiskur (fremur þéttur í sér)
- 1 egg
- 2 msk. hveiti (meira ef þarf)
- 2 msk. fersk steinselja, söxuð
- 2 vorlaukar, saxaðir
- ½ msk. sítrónusafi
- 2 hvítlauksgeirar, marðir
- 1 msk. ferskt rifið engifer
- 1 msk. ólífuolía
- ½ tsk. sjávarsalt
- ¼ tsk. svartur pipar
Aðferð:
- Hitið ofninn í 180 gráður.
- Þerrið fiskinn með eldhúspappír. Skerið hann því næst afar fínt niður (svo hann jaðrar við að vera hakkaður).
- Blandið saman fiski, eggi, hveiti, steinselju, vorlauk, sítrónusafa, engifer, hvítlauk, ólífuolíu, salti og pipar og blandið með höndunum.
- Setjið smjörpappír í ofnskúffu. Notið ískúlusköfu (eða bara skeið) og búið til kúlur úr fisknum. Raðið í skúffuna og fletjið bollurnar ögn niður. Bakið í 20-25 mínútur eða uns gullinbrúnt og girnilegt.
- Berið fram með góðri ferskri dressingu.
- - -
Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita...