Matur | mbl | 27.5.2019 | 14:01

Teryaki lax sem toppar tilveruna

mbl.is/Fiskur í matinn

Það er fátt betra en góður fiskbiti og það er eiginlega alveg sama hvernig hann er matreiddur. Hér gefur að líta lax sem í uppskriftinni er ofnbakaður en það er alveg eins hægt að grilla hann og í raun er lítil sem engin ástæða til annars en að grilla hann í ljósi þess að veðrið er svona gott.

Teryaki lax sem toppar tilveruna

800 g lax
60 ml sojasósa
60 ml vatn
1 msk. maizena kornsterkja
4–5 msk. hunang
3 msk. hrísgrjónaedik
4 msk. ananas, saxaður
1 hvítlauksgeiri, rifinn
1 tsk. engifer, rifinn

Aðferð:

Búið til teriyaki-sósu með því að blanda saman sojasósu, vatni, maizena, hunangi, hrísgrjónaediki, ananas og hvítlauk. Veltið laxinum síðan upp úr sósunni og setjið í 200°C heitan ofn og bakið í u.þ.b. 8 mín. Gott er að hafa hrísgrjón og ferskt salat með.

Uppskrift: Fiskur í matinn