Taco-kjúklingasalat sem engan svíkur

• 2-3 kjúklingabringur, t.d. frá Rose Poultry
• icebergsalat eða annað salat að eigin vali
• 1 paprika, skorin i teninga
• 150 g kirsuberjatómatar, skornir í tvennt
• 2 avacado, skorið í teninga
• 1 rauðlaukur, sneiddur
• ferskt kóríander
• nachos, mulið
• jalapeno í sneiðurm

MARINERING

• 50 ml ólífuolía
• 2 msk. ferskt kóríander, saxað
• 2 hvítlauksrif, pressuð
• 1 msk. chilíkrydd, t.d. frá Kryddhúsinu
• safi úr 1 límónu

DRESSING

• 2 msk. majones
• 4 msk. rjómi
• ⅓ af marineringunni
• safi úr ½ límónu
• salt

LEIÐBEININGAR

1. Byrjið á að útbúa marineringuna með því að hræra öllum hráefnunum saman. Takið ⅓ af marineringunni frá fyrir dressinguna og hellið afgangnum saman við kjúklinginn.

2. Hitið 1-2 msk. af olíu á pönnu og brúnið kjúklinginn á báðum hliðum. Látið þá í 200°C heitan ofn í 20-30 mínútur eða þar til hann er eldaður í gegn. Einnig er gott að grilla bringurnar. Leyfið að standa í smá stund áður en þær eru skornar.

3. Gerið dressinguna með því að blanda öllum hráefnunum saman og smakka til með salti.

4. Setjið salat, papriku,tómata, rauðlauk og avacado í salatskál.

5. Raðið kjúklingnum þar á og setjið ferskt kóríander, nachos og smá af dressingunni yfir.