Vöfflur, súkkulaði, rjómi, bananar og bláber…..þarf að segja eitthvað meira?
Það er Berglind Hreiðars á Gotteri.is sem á heiðurinn að þessari snilld sem er vel þess virði að prófa.
Súkkulaðivöfflur
- 150 g hveiti
- 25 g bökunarkakó
- 2 tsk. lyftiduft
- 2 msk. púðursykur
- ¼ tsk. salt
- 1 egg
- 250 ml mjólk
- 125 ml ólífuolía
- 2 tsk. vanilludropar
Aðferð:
- Sigtið saman hveiti, kakó og lyftiduft, leggið til hliðar.
- Blandið púðursykri og salti saman við hveitiblönduna.
- Hrærið saman eggi, mjólk, olíu og vanilludropa í hrærivélinni.
- Á meðan K-ið snýst má hella þurrefnunum saman við mjólkurblönduna og hræra þar til kekkjalaust.
- Smyrjið heitt vöfflujárnið með örlitlu smjöri og bakið vöfflurnar.
- Uppskriftin gefur um 9-10 vöfflur.
- Gott er að bera vöfflurnar fram með þeyttum rjóma, bananasneiðum, bláberjum og bræddu súkkulaði.
mbl.is/Berglind Hreiðarsdóttir