Alls kyns drykkir ætlaðir börnum eru framleiddir víða um heim og oft er ekki allt sem sýnist. Í þessu tilfelli var um að ræða vinsælan drykk sem sem inniheldur litlar kúlur sem börnin drekka. Hljómar undarlega ekki satt?
Drykkurinn heitir Bubble Tea - eða kúlute og inniheldur tugi lítilla kúla sem gerð eru úr tapioka hylkjum sem eiga að leysast upp í meltingarveginum. Stúlka nokkur í Kína kvartaði sáran undan magaverkjum uns foreldrar hennar fóru með hana á sjúkrahús. Læknarnir voru engu nær um hvað amaði að henni en röntgenmyndir sýndu hundruð bletta í meltingarkerfi hennar sem litu allt annað en eðlilega út.
Þegar stúlkan var yfirheyrð nánar um mataræði sitt sagðist hún hafa drukkið drykkinn vinsæla nokkrum dögum áður. Þegar frekar var gengið á hana kom í ljós að drykkirnir voru umtalsvert fleiri og voru hylkin ekki að ná að leysast upp.
Læknar bentu á að þessi tilteknu hylki væru gerð úr sterkju og ættu því erfitt með að leysast upp.
Stúlkunni varð ekki meint af en er steinhætt að drekka kúlute.