Eins og alþjóð veit var David Beckham staddur hér á landi á dögunum ásamt fríðu föruneyti. Hann er mikill aðdáandi lands og þjóðar eins og glöggt má sjá á Instagram-sögunni hans en þar fer hann yfir það helsta úr ferðinni.
Ljóst er að hópurinn fór í siglingu þar sem það besta var fiskað upp af hafsbotni og boðið upp á um borð. Um er að ræða hörpuskel og ígulker og drukkið var hvítvín með.
Beckham var greinilega ánægður með veitingarnar enda eru þær einstaklega bragðgóðar og við hvetjum landsmenn til að prufa það sem einhverjir snjallir markaðsmenn hafa kallað víkinga-sushi enda um hrávöru að ræða sem bragðast eins og sælgæti.