Margfaldur meistari á skilið sitt eigið morgunkorn – ekki satt? Tennisstjarnan Serena Williams hefur birst í öllum fjölmiðlum víða um heiminn, á forsíðum tímarita og nú má sjá hana framan á Wheaties-morgunkorninu.
Slagorðið er „The Breakfast of Champions“, en General Mills hefur birt myndir af þekktu íþróttafólki á morgunkornin sínu frá árinu 1934. Serena Williams tilkynnti nýverið á Instagram-síðunni sinni að röðin væri komin að henni – eitthvað sem hana hefur dreymt um frá því hún var lítil stelpa. Hún er jafnframt önnur dökka konan sem prýðir morgunkornið en sú fyrsta var tenniskonan Althea Gibson.