Matur | mbl | 9.7.2019 | 14:09

Hin fullkomna sumarmáltíð

mbl.is/Linda Ben

Hvað er frábærara en þegar við fáum uppskriftir sem eru bæði einstaklega bragðgóðar og líka þess eðlis að hægt er að grípa þær með í sumarbústaðinn eða útileguna. Hér er hægt að undirbúa meðlætið áður og setja svo vefjuna saman þegar á að borða hana. Þannig helst hún fersk og frábær - sem er nákvæmlega eins og við viljum hafa hana.

Það er meistari Linda Ben sem á þessa uppskrift en matarbloggið hennar er hægt að nálgast HÉR.

Klúbb vefja með kalkúna áleggi, hvítlauks steiktum sveppum og grænmeti

Mission vefjur með grillrönd
Heinz majónes
Heinz milt gult sinnep
Beikon (má sleppa)
Kalkúna álegg
Ostur
Sveppir
1 hvítlauksgeiri
Filippo Berio ólífu olía
Ferkst salat
Gúrka
Tómatur

Aðferð:

Steikið beikonið eða bakið í ofni þar til það er tilbúið.
Skerið sveppina og steikið upp úr olíu þar til þeir eru nánast tilbúnir. Rífið hvítlaukinn niður og bætið á pönnuna, steikið í 1-2 mín og takið svo af pönnunni.
Setjið kalkúna áleggið á pönnuna og bætið ost sneiðum á áleggið, hitið þar til osturinn er bráðnaður.
Smyrjið veglegu magni af majónesi á vefjurnar og svolítið af sinnepi. Raðið salatinu fyrst og svo beikoni, kalkúna álegginu og sveppunum á vefjurnar. Skerið gúrkuna og tómatana í bita og raðið ofan á, lokið vefjunum og festið saman með tannstöngli eða einhverju álíka.